تغيير زيت الفرامل في الفيكترا بي ..موضوع مصور
بسم الله الرحمن الرحيم.
هتكلم عن تجربتي في تغيير زيت الفرامل في نقاط رئيسيه
-زيت الفرامل من الزيوت المهمه جدا في العربيه ,اهميته من اهميه جوده الفرامل بالضبط
-غير صحيح ماهو شائع ان زيت الفرامل يتزود ومايتغيرش .السبب انه شره للرطوبه اللي بتاثر علي خواصه الكيميائيه ,علي سبيل المثال درجه غليانه الطبيعيه 260درجه ,انما لما بيتشبع بالرطوبه نتيجه الاهمال في تغييره بتنخفض درجه غليانه لتصل الي 165درجه شفتوا بقي الفرق !!!!! ومكتوب عليه CHANGE YEARLY
-الزيت الريكومندد عندي هو دوت 4 وده بيبقي مكتوب في معظم العربيات علي غطا علبه الزيت
نبدا الشغل ونقول باسم الله توكلنا علي الله.
لازم يكون معانا الاتي..
*بطانه نظيفه
*مفتاح بلدي او مشرشر 8 و7
*جوانتي سافتي
*خرطوم رفيع وازازه حاجه ساقعه فاضيه (1 لتر)
*سرنجه من الصيدليه اكبر حجم
-اول حاجه هنفتح غطا علبه الزيت ونسيبه يصفي جوه العلبه ونخلي بالنا مانوقعش علي الصاج لان الزيت ده حامي علي الايدين ومزيل للبويه ,نبدا نشد الزيت اللي في العلبه بالسرنجه لغايه مالعلبه تفضي تماما من الزيت القديم
http://nileup.com/up/uploads/nilemotors_13678736221.jpg
-خلاص الزيت القدين فضيناه ؟ لاحظ لون الزيت القديم ولاحظ لون الزيت الجديد(شفاف)
نملي العلبه بالزيت الجديد لغايه علامه MAX
انا استخدمت زيت الماني اسمهSL العلبه ب30ج هنحتاج منه علبتين للدورهودي صورته
http://nileup.com/up/uploads/nilemotors_13678737751.jpg
-هنوفع العربيه من الخلف ونشيل العجله اللي ورا يمين .دخل راسك جوه تجويف العجله وبص من فوق هتلاقي (بزبوز) رفيع وراه صاموله 7 ملي ,البزبوز ده متغطي بغطا كاوتش ,هو ده اللي هنفضي منه الزيت ..ازاي؟؟؟
فاكرين ازازه البيبسي الفاضيه؟ هنخرم غطاها خرم يسمح بدخول الخرطوم اللي جبناه فيه والناحيه التانيه من الخرطوم هنركبها في البزبوز ده ونبدا نفك الصاموله (عكس عقارب الساعه) ....
هنلاحظ ان الزيت بينزل ببطيء في الازازه ,هو ده اللي احنا عاوزينه . في ناس بتحب تدور الموتور وتكارك فرامل علشان تسرع العمليه بس انا اخاف يدخل هوا لدوره الفرامل وتضعف
:120146b المكاركه مش غلط انما ليها اصول حتي كتالوج السياره اشار اليها ب-SLOWLY -CAREFULLY بس احنا مش هنكارك لزياده الامان
معلش الاضاءه مش حلوه ماعرفتش اصور مكان الصاموله بالضبط بس الصوره اللي جايه فيها عمليه التفريغ نفسها
http://nileup.com/up/uploads/nilemotors_13678740751.jpg
-اثناء مالزيت القديم بينزل هنقف قدام علبه الزيت ونلاحظها لغايه مالزيت ينزل لعلامه MIN عندها نقفل الصاموله كويس جدا ونزود الزيت في العلبه تاني لعلامه MAX ونعمل اللي عملناه في العجله اليمين نعمله في الشمال بنفس الطريقه
-نزود الزيت لتالت مره لعلامه MAX بس المره دي هنفضي من العجله اللي قدام يمين
-خلي بالك العجل الامامي اسهل كتير ومش محتاج تفك الفرده ,ارفع العربيه بالكوريك بس شويه
وانزل من تحت الاكصدام ,خلي بالك برده ان الصاموله اللي قدام 8 ملي مش 7 ..ودي صوره الخزنه الاماميه اثناء عمليه السحب
http://nileup.com/up/uploads/nilemotors_13678750472.jpg
http://nileup.com/up/uploads/nilemotors_13678750471.jpg
-الزيت هينقص برده في العلبه هنزوده لرابع مره علشان العجله الاخيره الاماميه شمال ودي صوره مسمار الخزنه فيها متغطي بغطاء الحمايه
http://nileup.com/up/uploads/nilemotors_13678754601.jpg
-خلصنا كده؟؟ لا لسه اتاكدنا ان مسامير الخزن قفلناها كويس بعد مانزلنا الزيت القديم
-هنزود الزيت بقي ونقفل العلبه ,وعاوز اوريكم لون الزيت اللي نازل (استخدام سنه و3 شهور)
http://nileup.com/up/uploads/nilemotors_13678756411.jpg
-النتيجه بقي ...
-ماتنتظرش تحسن كبير في اداء الفرامل انت بس بتحافظ علي الماستر العمومي والمساتر الفرعيه من التلف اللي بيقلل جوده الفرامل
-اكبر فايده هي تنشيط الايه بي اس لانه مليان بلوف كاوتش بتضغط الزيت وده اللي هتلاحظه بعد تغيير زيت الدوره ,الايه بي اس هتلاقيه ع الشعره ..وطبعا جميل انك تعمل حاجه بايدك بحب وحرفيه بعيد عن عك الصنايعيه.. تقبلوا تحياتي..